Балалар мен жасөспірімдер арасында салауатты өмір салтын насихаттауды жандандыру, өскелең ұрпақтың есірткіні тұтынуға және сатуға теріс көзқарасын қалыптастыру мақсатында 6-9 сынып оқушылары үшін «Закладка. Расплата» фильмінің көрсетілімі ұйымдастырылды.
Фильмде қарапайым есірткі курьерлерінің сұхбаттары жинақталған, олар оңай пайда табуға ұмтылған және қазір 10 жыл немесе одан да көп мерзімге бас бостандығынан айырылған, сонымен бірге жасаған ісіне өкінетіндері туралы айтылады.
Мұндай шаралар балалардың құқықтық және әлеуметтік сауаттылығын арттырып, жауапкершілік сезімін күшейтеді.
