Мектебіміздің әлеуметтік педагогы оқуушылар мен ата-аналар арасында мектептегі ыстық тамақтың ұйымдастырылуына қатысты анкета жүргізді.
Анкетаның мақсаты – мектеп асханасындағы тамақтанудың сапасына қанағаттану деңгейін анықтау және оны жақсарту бойынша ұсыныстар жинау.
Оқушылардан мәзірдің әртүрлілігі, тағамдардың дәмдік сапасы, асхананың санитарлық жағдайы мен порция көлемі жөнінде пікірлер алынды. Ата-аналар да мектептегі тамақтануды жетілдіру бойынша өз ұсыныстарымен бөлісті.
Жиналған нәтижелер мектептегі тамақтану сапасын арттыруға және оқушыларға жайлы жағдай жасауға бағытталатын болады. Белсенді қатысқандары үшін барлық қатысушыларға алғыс білдіреміз!
